Fersk gründer i samtale med store selskap
Etter tre år med arbeid døgnet rundt, lanserer gründer og NHH-student Christian Braathen denne veka vaktplanleggaren arbeidsplanen.no. Han er allereie i samtalar med store selskap.
Braathen slår til igjen
Masterstudent Christian Braathen drar inn prisar og pengar som ingen andre gründerar i landet for tida. Onsdag tok han imot 100 000 kr i Innovation Challenge.
– Og vi fekk enorm eksponering i Colosseum i Oslo føre 6-700 menneske, seier Christan Braathen, mannen bak selskapet Mycroft og personellplanleggjaren arbeidsplanen.no.
Braathen fekk prisen saman med Mycroft-kollega Andreas Landsverk, tidlegare student ved Aarhus University, School of Business and Social Sciences.
Pitchet i finalen
Innovation Challenge er eit samarbeid mellom Aftenposten, Accenture Norge og Telenor Norge, som leiter etter «smarte, unge hovud med gode idear». Den beste ideen - som skal løyse eit samfunnsproblem eller utfordring med teknologi - vert lønna med 100 000 kroner.
Det var tre sterke finalistar som sto på scenen under Aftenposten A−Tech−konferanse onsdag, for å pitche sine idear til publikum og juryen.
Totalt 60 selskap har konkurrert gjennom fire rundar. Dei har vore gjennom fasar med søknad, kvartfinale, semifinale og finale.
– Det har vore ein beinhard konkurranse, spesielt i dei to siste rundane. Då juryen leste opp grunngjevinga, før vinnaren vart annonsert, vi sikre på at LearnLink – ein av konkurrentane – skulle vinne. Men det tok ein fantastisk og uventa vending, seier Braathen.
Nye tilbod
Sjølv om dei 100 000 kronene kjem fantastisk godt med, seier NHH-studenten, var merksemda like viktig. Braathen og Landsverk fekk ein unik sjanse til å snakka om Mycroft til dei nærare 700 personene i salen. Også dette gav resultat.
– Etter finalen fekk vi to tilbod om å bli med i inkubatorar, ein generell start up-inkubator, og ein av de fremste maskinlæring- og AI-inkubatorane i Norge.
Dei vart også inviterte til å halde eit foredrag på ei intern konferanse i eit selskap med meir enn 500 tilsette, med tema om korleis ein kan motivere til innovasjon og entreprenørskap internt i ei bedrift.
– Det har vore litt av eit år
Christian Braathen har jobba uhørt mykje. Gründeren har levert masteroppgåve og lansert arbeidsplanen.no. No påskjønner NHH han med Lehmkuhlstipendet.
Betre og betre
– I tillegg ville fleire bedrifter jobbe med oss. Styremedlemmar i nokon av Norges største og fremste retail-selskap og ein direktør for et selskap som jobbar med store deler av kommune-Norge, melde si interesse.
– Det har skjedd mykje i 2018?
– Ja, og det går berre betre og betre. Eg håpar det kan fortsetje når vi går inn i pilotar med to selskap som har til saman cirka 25 000 tilsette. Vi skal levere tenesta full ut, men startar opp med avdelingar i desse selskapa, ikkje heile verksemda med ein gong.
Til neste år er Braathen PhD-student ved NHH.