Studentar som skal ta gjentak etter tidlegare ordning, melder seg opp i Studentweb som vanleg innan oppmeldingsfristen for inneverande semester, som er 1. september for haustsemesteret og 1. februar for vårsemesteret. For dei som skal ta gjentak etter den nye ordninga, vil det kome meir informasjon om oppmelding. I Studentweb kan studentane anten melde seg opp ved å bruke søkefeltet under fanen ‘Aktive emner’ og søke opp emnekoden, eller ved å trykke på knappen ‘Ta emnet på nytt’ under resultat-fanen.

I obligatoriske emne på bachelor, der einaste vurderingsform er ein individuell skriftleg skuleeksamen eller heimeeksamen av inntil ein dags varigheit, er  hovudregel at det blir tilbydd ei moglegheit for gjentak i det undervisningsfrie semesteret.

Om det er mogleg å ta opp att eksamen i eit emne i det undervisningsfrie semesteret, skal gå fram av emneomtalen.

Frå haustsemesteret 2024 vert det etablert ei ny ordning for gjentak i det undervisingsfrie semesteret for obligatoriske bacheloremne slik:

• gjentak i det undervisingsfrie semesteret blir flytta frå slutten av semesteret til begynnelsen av semesteret
• gjentak i det undervisningsfrie semesteret er berre mogeleg  for studentar som har vore vurderingsmeldt på eksamenstidspunktet i eit undervisningssemester og som ikkje har beståt karakter i emnet (ikkje-møtt, legeattest, trekk under eksamen/avbrudd og stryk).

Gjentak for å forbetre eit bestått resultat kan i den nye ordninga berre skje i semesteret emnet blir undervist.

Denne nye ordninga blir innført semester for semester i samsvar med normert studieprogresjon for 2024-kullet. Sjå emneomtalen for kvart emne for detaljar.

For BØA-studentar som starta hausten 2023 eller tidlegare, vert tidlegare ordning med gjentak i slutten av det undervisingsfrie semesteret fasa ut etter kvart som den nye ordninga vert innført  for 2024-kullet

På masternivå vert vurdering berre tilbode det semesteret det er undervisning i emnet.

Den beste karakteren vil stå som resultat på vitnemålet eller karakterutskrifta, også der du får dårlegare karakter etter gjentak av eksamen. Får du same karakter på det andre forsøket ditt, vil fyrste resultat synast på vitnemålet.

Tek du eit emne på nytt må du lese i emneomtalen om det er endringar i pensum eller vurderingsform. Du vil bli testa etter det pensumet som sist er undervist, og det kan skje endringar i innhald, pensum, vurderingsform og obligatoriske arbeidskrav. I emnebeskrivelsen kan du òg sjå i kva semester emne har undervisning.