1. Kva masterprogram ønsker du å studere?

NHH tilbyr to masterprogram: master i økonomi og administrasjon (MØA) og master i rekneskap og revisjon (MRR). Programma har opptak til haustsemesteret.

• Du kan søke på MØA og MRR, toårig løp, i prioritert rekkefølge.
• Dersom du søker på MRR, eittårig løp, må du prioritere mellom Bergen og Oslo som studiestad.

2. Er du kvalifisert?

Finn ut kva opptakskrav som gjeld for det masterprogrammet du ønsker å søke på:

- Opptakskrav master i økonomi og administrasjon

- Opptakskrav master i rekneskap og revisjon, toårig løp

- Opptakskrav master i rekneskap og revisjon, eittårig løp (Bergen og Oslo)

3. Registrer søknaden din

Du søker i SøknadsWeb og søknadsfristen er 15. februar.

Før du søker, rår vi deg til å setje deg godt inn i kva dokumentasjon du må laste opp for at søknaden skal vere komplett, kva format filene må vere i og kva namn du skal gi dei. 

• Les meir om krav til dokumentasjon for MØA og MRR, toårig løp
• Her kan du lese om krav til dokumentasjon for MRR, eittårig løp

4. Omprioritere søknadsalternativa dine

Du kan omprioritere søknadsalternativa dine fram til 15. februar. Dersom du får tilbod om opptak på førsteprioriteten din, vil det andre søknadsalternativet falle bort.

5. Dokumentere utdanning vårsemesteret

Har du fått tilbod og avsluttar utdanninga di våren 2025? Frist for å dokumentere utdanning som vert avslutta vårsemesteret før studiestart er 1. juli for toårig master og 15. august for eittårig MRR. Vi kan dessverre ikkje garantere at dokumentasjon som kjem etter fristen blir tatt omsyn til, men sakshandsamar så langt det praktisk let seg gjere. Det er ulike krav til korleis du skal dokumentere utdanning frå vårsemesteret, alt etter kvar du har utdanninga di frå. Les meir om dokumentasjonskrav for MØA/MRR toårig løp og MRR eittårig løp. 

6. Svar på søknaden

Svar på søknad om opptak til master kjem på følgande datoar:

• MØA og MRR toårig løp: 15. mai. 

    Frist for å svare på tilbodet: 22. mai.

• MRR eittårig løp: 4. april.

    Frist for å svare på tilbodet: 11. april.

Om du har utdanning som vert avslutta i vårsemesteret, vil eit eventuelt tilbod om opptak vere betinga.

Svaret vert publisert i SøknadsWeb, i tillegg til at du får e-post til e-postadressa du oppgav i søknaden din. 

7. Venteliste

Dersom du er kvalifisert for opptak til det masterprogrammet du søker på, men ikkje når opp i rangeringa, blir du tildelt ein plass på ventelista. Når fristen er ute for å takke ja til studieplassen i hovudopptaket, vil vi vurdere om det skal sendast ut fleire tilbod til søkarar på ventelista. NB! Som oftast vert det ikkje sendt ut fleire tilbod etter hovudopptaket; du kan altså ikkje rekne med å få tilbod om plass, sjølv om du har eit lågt ventelistenummer. Mogeleg dato for utsending av tilbod til venteliste: 

• MØA og MRR toårig løp: 20. juni
• MRR ettårig løp: 20. juni

8. Reservasjon av studieplass

Dersom du får tilbod om studieplass, men ikkje har høve til å studere i år, kan du i enkelte tilfelle søke om å få reservert studieplassen i eitt eller to år. Meir informasjon om reservasjon av studieplass finn du her.